På utkikk etter BH-en din
– BH-ane skal brukast i ei praktfull overrasking i samband med Rosa veke, fortel Ragnhild Stende Bjaadal i Os kommune.
I oktober skal heile landet bli farga rosa for å visa solidaritet med dei som er råka av brystkreft. Kreftkoordinator i Os kommune, Sigbjørg Eriksson og Os sentrum samarbeider om å arrangera Risa veke 22.–28. oktober.
– Før vi kjem så langt, ønskjer vi at så mange osingar som mogleg donerer ein gamal BH til kreftsaka. Vi tek i mot alle typar, fargar, storleikar, med eller utan spiler, blonder og stroppar. BH-ane skal brukast i ei praktfull overrasking i samband med Rosa veke, for å skapa merksemd og spreia informasjon om brystkreft. Du og BH-en din vil vera med og farga Osøyro rosa og støtta Rosa Sløyfe-aksjonen. Alle BH-donasjonar er heilt anonyme, skriv Ragnhild Stende Bjaadal i ei pressemelding.
Artikkelen held fram under annonsen.
Ein kan levera BH-en på kommunetorget i Os rådhus, Nordisk Rom, Madam Ane eller Os Blomsterservice innan 19. oktober.
