Plagsame tiggarar
Politiet fekk i går melding om tiggarar som nærast forlanga pengar av forbipasserande.
- Vi fekk i går melding om tiggarar utanfor AMFI og Plantasjen. Dei følgde etter folk bort til bilen og nærast forlanga pengar. Dei var nærgåande og nesten trugande. Då vi kom til staden hadde dei gått på bussen. Oppførselen deira var av ein slik karakter at om vi hadde treft på dei, så hadde vi meldt dei, og forsøkt å sanksjonera mot dei, seier politioverbetjent Audun Hadler-Olsen.
Funn av narkotiske tablettar
Politiet gjennomførte i går ei ransaking på ei bustad i Os.
Artikkelen held fram under annonsen.
- Ein mann og ei kvinne blei stansa i Bergen natt til i går. Dei er heimehøyrande i Os. Det blei gjort funn av narkotika på dei, og på bakgrunn av det, gjennomførte vi ei ransaking på bustaden. Der fann vi tablettar som vi mistenkjer er narkotika, seier Hadler-Olsen.
