Politiet tok førarkortet til kvinna som køyrde i fjellveggen

— Det er oppretta sak og gjort førarkortbeslag, fortel politioverbetjent, Christine Grindstein.

Laurdag kveld køyrde ei kvinne i 20-åra i fjellveggen på Lepsøyvegen. Ho skal ha vore oppegåande og klar då politiet kom til staden, og stått fram som uskadd. Politioverbetjent ved Bjørnafjorden lensmannskontor, Christine Grindstein, fortel at det er gjort førarkortbeslag.

— Kvifor har ein tatt førarkortet hennar?

— Det blir vist til vegtrafikklova §3. Det er i tillegg tatt blodprøve av kvinna, fortel Grindstein.

Vegtrafikklova § 3 seier at ein skal ferdast aktsam og varsamt slik at det ikkje kan oppstå fare, skada andre, eller vera til hinder.