Rektor-kabalen løyst

Os kommune fekk ikkje mange nok kompetente søkjarar til stillinga som ny rektor ved Lunde barneskule, og har dermed valt å rokkera litt på stillingar innad i kommunen for å få kabalen til å gå opp.

- No har rektoren på Søre Øyane barneskule, Elin Skaatun, sagt ja til å ta over som rektor på Lunde, fortel kommunalsjef for Oppvekst og kultur i Os, Line Rye.

Inspektøren på Lunde barneskule, Henrik Johannessen, har fungert som rektor på skulen, og vil gjera det fram til Skaatun tek over ved nyttår.

Ny utlysing

- Kven vert rektor på Søre Øyane barneskule når Skaatun vert flytta til Lunde?

- Stillinga vert lyst ut denne veka, og vi tek sikte på å få på plass ny rektor før nyttår, fortel Rye.

- Erfaringa vår er at det er få søkjara til skuleleiarstillingar i Os, og at det difor har vore vanskeleg å rekruttera til desse viktige nøkkelstillingane, fortel oppvekstsjefen i Os.