Rykte ut etter to meldingar om feststøy

Politiet melder om to tilfelle av feststøy natt til søndag.

Politiet rykte først ut til ein bustad aust for Os sentrum like over kl 00.30 i natt. Meldinga gjekk på forstyrring av natteroen og høg musikk. Politiet gav beskjed om å halda stille resten av natta. Det var ingen opplysningar om at smittevernet var brote.

Vel kl 2 rykte patruljen ut etter ny melding om festbråk - denne gongen ved ei adresse nord i Os. Også er gav politiet beskjed om å halda stille resten av natta. Smittevernet skal ikkje ha blitt brote her heller.

Laurdag føremiddag stoppa politiet ein bil, der føraren - ein mann i 30-åra, er mistenkt for promillekøyring. Førarkortet er beslaglagt og politiet har oppretta sak.

Like før kl 13 laurdag stoppa politiet ein bil for kontroll i Os sentrum. Føraren - ein mann i 30-åra - hadde ikkje gyldig førarkort klasse B, og politiet opprettar sak.