Samferdsleministeren på synfaring
Samferdsleminister Ketil Solvik Olsen fekk sjå stor aktivitet då han var på synfaring til E39 Svegatjørn–Rådal før helga.
Statsråden er på noregstur med bil, tog og ferje. Torsdag morgon sto motorvegprosjektet E39 Svegatjørn–Rådal på programmet, før turen gjekk vidare med E39-ferja frå Halhjem til Sandvikvåg.
Stor aktivitet
Statsråden let seg ifølgje kommunikasjonsrådgjevar i Statens vegvesen, Geir Brekke, imponere over stor aktivitet på veganlegget lengst sør på strekninga.
Artikkelen held fram under annonsen.
- Mange ulike anleggsoppgåver er under gjennomføring. Store stein- og pukkhaugar ligg i Endalausmarka. I Skogafjellstunnelen er det tunnelinnreiing som pågår. Fleire bruer kryssar den komande E39-lina gjennom området. Det er arbeid med sidearealet langs vegen. Det er ikkje minst stor trafikk med stein- og jordmassar gjennom anleggsområdet, oppsummerer Brekke.
Gjennomslag
Brekke fortel vidare at botnmassar i tunnelen blir sortert på ein del av anleggsområdet. Noko er ureina og blir levert til eige deponi.
- Dei gode massane blir brukt til vegoppbygging i tunnelane, seier byggjeleiar Kari Bremnes i Statens vegvesen, som orienterte statsråden og hans følgje på synfaringa.
o fortalde at det blir første gjennomslag i den 9,2 km lange Lyshorntunnelen etter sommarferien. Siste gjennomslag i same tunnelen blir ut på våren 2019.
jostein@osogfusa.no
