– Sjølvsagt skal ein kle seg fint på valdagen!
Cato Lyssand (33) har brukt meir tid enn mange andre på å velja ut dei riktige kandidatane.
33-åringen kjem til røystelokala i Oseana ikledd finsko, skjorte og blazer.
– Det er jo ein høgtidsdag. Eg synest godt ein kan pynta seg litt, smiler han,
Artikkelen held fram under annonsen.
– Kva vart avgjerande for ditt val i dag?
– Eg har prøvd å tenkja representasjon av folk frå begge kommunane, ulik alder og kjønn.
– Oi, du har rett og slett jobba knallhardt med røystesetelen din?
– Ja, det kan du seia. Eg har kryssa av for nokon og ført opp nokre slengarar som eg synest er bra folk.
Endra meining etter debatten
Cato var publikum i salen under valdebatten i Tunet sist torsdag. Det vart avgjerande for nokre av kandidatane på lista hans.
– Ja, eg endra litt meining etter den debatten. Ikkje om politikken, men om nokre av personane. Spørsmålet eg har stilt meg sjølv er kven som vil vera gode ambassadørar for saka.
– Og kva er den viktigaste saka for deg?
– Bru er viktig, men det er jo ei sak der kommunestyret har lite dei skulle ha sagt. Regulering av eigedom er den klart viktigaste i så måte. Der sit lokalpolitikarane med mykje makt. Skule er også viktig, sjløv om eg det er lenge sidan eg var elev sjølv.
Artikkelen held fram under annonsen.
Hugs kyrkjevalet!
Då Os & Fusaposten vitja Oseana kring 11.30 mandag, var det ein jamn stim av osingar som kom for å røysta.
Medan kommune- og fylkesvalet heldt hus i storsalen, kan ein røysta ved kyrkjevalet i foajeen.
Oseana og dei andre vallokala i Os er opne fram til klokka 21.
Anne Marie Aarøen Vangsnes
anne-marie@osogfusa.no