Sju millionar til Os vgs

Fylkesutvalet i Hordaland løyver ytterlegare sju millionar kroner til utbetring av Os vgs.

Fylkesutvalet løyvde i 2014 5 millionar kroner til utbetring av ventilasjonsanlegget på den vidaregåande skulen. Basert på arbeidet som er gjort så langt og kalkyle for det vidare arbeidet, gjekk utvalet i dag inn for å løyva ytterlegare 7 millionar kroner for å fullfinansiera prosjektet.

Når prosjektet er fullført, vil ein mellom anna ha skifta alt av kanalnett i bygget samt gjennomført einskilde byggningsmessige tiltak knytt til himlingar, lysarmatur og el-anlegg.