Skal ha blitt angripen av sint, rusa mann

Ein mann i 50-åra skal ha blitt angripen på bussterminalen søndag kveld.

Rett før klokka halv åtte søndag kveld, skal ein mann i 50-åra ha blitt utsett for vald på bussterminalen i Os sentrum.

— Ein rusa, sint mann hadde angripe fornærma. Det er ingen skader på dei involverte. Politiet snakka med partane. Fornærma blei køyrd heim og han vil vurdera å melda hendinga, skriv politioverbetjent Anne Lyssand i ein e-post.

Melding om tjuveri

Rett i forkant av denne meldinga, fekk politiet melding om tjuveri av ein moped frå ei adresse i nærleiken av AMFI Os.

— Det er video av hendinga. Denne har politiet fått. Det er oppretta sak, skriv Lyssand.

Måtte sko om bilen

Politiet hadde trafikkontroll på Hegglandsdalsvegen søndag morgon. Der hadde dei fokus på promille og dokument, men det dei fann, var sommardekk.

35 køyretøy blei kontrollerte.

— Éin person blei send heim med pålegg om å skifta frå sommardekk til vinterdekk, skriv Lyssand.