Skogbrannhelikopter i beredskap på Vestlandet
Meteorologisk institutt har sendt ut gult grasbrannfarevarsel for Trøndelag, Møre og Romsdal og deler av Vestland.
Direktoratet for samfunnssikkerhet og beredskap (DSB) set difor inn eit skogbrannhelikopter i beredskap i Sauda i helga.
Skogbrannhelikopteret blir stasjonert i Sauda i Rogaland fylke, og skal vera i beredskap laurdag 9. mars og søndag 10. mars. Beredskapsperioden for skogbrannhelikopter er normalt frå 15. april til 15. august.
Artikkelen held fram under annonsen.
Det er hittil i 2024 registrert 66 brannar i utmark og innmark. På same tidspunkt i 2023 var det registrert 33, ifølgje DBS.
– Vi oppfordrar folk til å visa aktsemd i tørre område. Vi veit at dei aller fleste brannar i skog og utmark skuldast menneskeleg aktivitet, seier avdelingsdirektør Johan Marius Ly i DSB.
Det er brannsjefane som i samarbeid med 110-sentralen vurderer behovet for skogbrannhelikopter.
