– Sørg for at naust er låst og sikra best mogleg
Politiet har fått melding om forsøk på innbrot i naust.
Meldinga kom torsdag ettermiddag. Innbrotsforsøket har funne stad mellom søndag og torsdag denne veka. Politiet ber innbyggjarane i Bjørnafjorden om å sørga for at naust er låst og sikra på best mogleg måte.
– Pass på kvarandres naust og alliér deg gjerne med naboen, tipsar vakthavande ved Bjørnafjorden politistasjon.
Artikkelen held fram under annonsen.
Torsdag ettermiddag fekk politiet også melding om eit trafikkuhell nord for sentrum. Ei dør kom borti ein parkert bil. Her er det oppretta forsikringssak.
Seinare same dag kom det melding om aggressiv køyring. Saka gjaldt tungtransport over Fanafjellet. Politiet følgjer opp saka med førebyggjande tiltak.
