Siste runde: Først hadde dei base ved gamle Fusa ungdomsskule, før teststasjonen blei flytta til samfunnshuset. Denne veka blir teststasjonen lagt ned på Fusa-sida, men det blir framleis rom for å testa seg. Foto: Benjamin Søgnen Olsen

Stengjer teststasjonen i samfunnshuset: Endring også i Kolskogen

Opningstidene ved teststasjonane blir endra frå og med neste veke som følgje av at behovet for PCR-testing søkk i tak med smittetala.

Benjamin Søgnen Olsen benjamin@osogfusa.no

Publisert: 24.03.2022 09:09 Sist oppdatert: 28.03.2022 09:40

Bjørnafjorden kommune melder på heimesida si at teststasjonen i Eikelandsosen samfunnshus stengjer dørene denne veka. Frå neste veke (veke 13), vil testinga skje ved Eikelandsosen legekontor på ettermiddagstid.

Framleis ope: I Kolskogen vil dei framleis halda ope i vekedagane. Førstkommande laurdag er siste moglegheit for helge-testing. Foto: Anne Marie Aarøen Vangsnes

Testen vil bli teken utanfor legekontoret, opplyser kommunen.

Også i Kolskogen blir det endring frå neste veke. Stasjonen vil framleis vera oppe vekedagar, men førstkommande laurdag blir siste moglegheit for helge-testing i Industrivegen.

Kommunen opplyser også om at dersom behovet for PCR-testing skulle bli større, vil teststasjonane raskt og enkelt kunna auka kapasiteten.