Stor øving i Eikelandsosen: - Det vil vera mykje røyk og flammar
Laurdag skal brannvesenet i Bjørnafjorden ha fokus på røykdykking og livreddande innsats.
— Vi skal brenna ned ein stor låve som ligg eit par minutt unna brannstasjonen i Eikelandsosen. Øvinga tek til klokka 09.00 laurdag morgon, og vi held fram til klokka 17.00, fortel brannsjef Eivind Hovden.
Vidare fortel brannsjefen at det vil bli skilta på staden.
Artikkelen held fram under annonsen.
— Dette er i ein skarp sving eit kort stykke unna brannstasjonen. Ein vil kunna sjå mykje røyk og flammar. Dette er altså organisert. Kan vera greitt å informera folk, slik at ein ikkje trur at det er ein storbrann på gang.
