Strandvikmarknaden 2022 er avlyst
– Planlegginga har kome for seint i gang grunna usikkerheit kring pandemien. Eit halvhjarta arrangement er ikkje noko marknadsgjengen kan stå for.
Det skriv Peter-Hans de Zwarte i ei pressemelding.
– Me oppmodar likevel andre lag og organisasjonar i bygda om å «ta datoen» og arrangera noko anna kjekt for bygdefolket, skriv De Zwarte.
Artikkelen held fram under annonsen.
Han legg til at marknaden treng nye bidragsytarar.
– Sjølv har eg vore student med fokus på eksamen i perioden opp mot marknaden heile Covid-perioden og fokuset har flytta seg litt sidan sist marknad. Så me treng fleire og nye personar i arrangørgruppa, og gjerne nokon som ser ting i eit nytt lys. Tenk gjerne på om du vil bidra til neste år, oppmodar De Zwarte.
Han håpar at dei kan ynskja velkomen til ny marknad i 2023.
