Test av varslingsanlegget klokka 12
I dag kl 12 testar Sivilforsvaret tyfonane som bed folk om å følgja med på radio, TV eller nett.
Sivilforsvaret testar kvart år varslingsanlegga i januar og juni. Signalet vert send i tre seriar med eitt minutts opphald mellom seriane. Signalet betyr i praksis at du skal søkja informasjon i for eksempel radio, tv og sosiale medium.
Rundt om i landet er det cirka 1.250 varslingsanlegg med sirener som skal varsla befolkninga ved akutt fare. Varslingsanlegga kan bli brukt både i fred og krig for å varsla befolkninga ved akutt fare.
