Tidlegare domfelt dømt på ny
Ein mann i 30-åra har fått vilkårsbunde fengselsstraff etter brot på straffelova.
I september i fjor fann politiet 94 tablettar Rivotril som inneheld det narkotiske stoffet klonazepam heime hos mannen i 30-åra. I juli måtte mannen møta i retten og svara for seg, og valte å tilstå lovbrotet. Sikta er tidlegare straffa ved fem domfellingar og fleire førelegg for brot på narkotikalovgjevinga – sist i 2016. Det blei lagt vekt på at mannen hadde eit stort tal tablettar og at spreiingsfaren er stor ved at politiet fann kommunikasjon på mobilen hans om sal.
I formildande retning blir det vektlagt at sikta har tilstått i retten og at han er i ein etablert rehabiliteringssituasjon. Mannen blei dømt til 21 dagar vilkårslaus fengsel med ein prøveperiode på to år.