Tilsett ved legekontor i Bjørnafjorden har fått påvist covid-19
Ein tilsett ved eit legekontor i Bjørnafjorden kommune har testa positivt for covid-19.
Dette er eitt av smittetilfella kommunen melde om tidlegare i dag.
– Den smitta har følgd smittevernrutinane, og det er svært lite sannsynleg at pasientar eller andre tilsette kan ha blitt smitta, opplyser assisterande kommuneoverlege Jonas Nordvik Dale på kommunen sine heimesider.
Artikkelen held fram under annonsen.
Alle som har vore på legekontoret i det aktuelle tidsrommet, er, ifølgje Nordvik Dale, blitt kontakta og informert.
