To akutte vassleidningsbrot i sentrum. Fleire manglar vatn

Kommunen melder om to akutte vassleidningsbrot onsdag morgon.

– Vi har to vassleidningsbrot i Os sentrum. Vi jobbar så raskt vi kan for å gi deg vatnet tilbake. Vatnet bør kokast når det kjem tilbake, er meldinga frå driftsavdelinga til fleire bebuarar onsdag morgon.

Oppdatert:

Kommunen opplyser at det er snakk om to akutte vassleidningsbrot i Os sentrum - eitt i Midtskogvegen, og eitt i Jordmorsvingen.

– Utbetringar er i gang. Når vatnet kjem tilbake, anbefaler vi at alt vatn til drikke, matlaging og tannpuss kokast før bruk. Meir informasjon kjem, skriv kommunen like over kl 08.30.

Vassvogn er satt ut ved Midtskogvegen 12.

Haugsneset, Oshaugen, Midtskogvegen, Austre Lurane og Stølsvegen/Lyngvegen er mellom områda det er meldt om lite eller ingen vatn i springen.