Trafikkulukke: To bilar skal ha kollidert ved Er-An veikro

Det skal tysdag kveld ha oppstått ei trafikkulukke på Røykenes.

Politiet melde på Twitter klokka 22.33 at ein bil måtte bråbremsa for ein hjort som kom ut i vegen.

Bilen skal så ha blitt påkøyrd av bilen som kom bak.

Det skal vera tre personar involverte i ulukka. Det er ikkje meld om alvorlege personskadar, opplyser Vest politidistrikt på Twitter.

Vegtrafikksentralen vest var først ute med å melda om ulukka. Dei skriv at dette skjedde på E39 ved Er-An veikro.