Trur det reelle smittetalet er på nesten ti prosent av innbyggjarane

Kommuneoverlege Klaus Melf trur mørketala for koronasmitte er store.

Bjørnafjorden kommune registrerte 757 positive PCR- og sjølvtestar sist veke, mot 922 i veke 9.

Det betyr at det har vore ein nedgang i registrerte smittetilfelle i veke 10, trass i vinterferien veka før. Det skriv kommunen på si heimeside.

Aldersfordelinga viser ein tydeleg nedgang blant barn og unge, og ein auke blant eldre.

— Vi har truleg store mørketal, sidan ikkje alle som er smitta registrerer seg. Reelt smittetal ligg truleg på 7-10 prosent av innbyggjarane i løpet av dei siste 14 dagane, seier kommuneoverlege Klaus Melf.