Ubedne ungdomar skal ha dukka opp på fest og laga bråk

Ingen skal vera skadd, men det skal vera knust ein del gjenstandar.

Det opplyser politiet på Twitter laurdag kveld.

Kring klokka 21.30 rykte politiet ut til ei adresse i Lysefjorden etter at mange ungdomar hadde dukka opp på ein fest utan invitasjon.

Politiet har vore på staden, og opplyser på Twitter at ingen skal vera skadd, men at det er knust ein del gjenstandar og at det har vore bråk på staden.

Vidare skriv politiet at det no er ei samling av ungdomar ved idrettsplassen i Lysefjorden. Politiet er på staden, og det skal vera om lag 40—50 ungdomar der.

Ikkje alle kjem seg heim, og foreldre blir oppmoda om å koma til staden og få køyrd ungdomane heim.