Ung gut blei skada etter ei ulukke i høg fart

Politiet melder om fleire saker knytt til trafikk i helga.

Fredag i 14-tida blei ein bil stansa av Utrykkingspolitiet (UP) utanfor Os sentrum. Bilførar, ein mann i 30-åra, blei testa ved spyttprøve som gjev utslag på narkotika og legemiddel.

— Denne gav utslag på narkotika og førar gav seinare blodprøve. Det er mistanke om “lågpromille”. Det er oppretta sak. Førarkortet er ikkje beslaglagt per no, opplyser politioverbetjent ved Bjørnafjorden politistasjon, Christine Grindstein, i ein e-post.

Laurdag i 18-tida, skal det ha vore ein singelulukke med lettmotorsykkel på Strønevegen. Det er oppretta sak på forholdet.

— Ein gut i tenåra blei lettare skada. Det er oppretta sak, då det skal ha vore høg fart involvert.

Søndag formiddag blei ein mann i 60-åra stansa på ein tohjuling. Dette skjedde i 12-tida i området kring Mobergsbakken.

— Han køyrde i høg fart opp Mobergsbakken Politiet hadde ingen gyldig måling av farta.

Det førte til at motorsyklisten fekk ei munnleg åtvaring.