Ung mann skal ha blitt utsett for vald
Det blei ein vond inngang på det nye året for mannen i 20-åra.
Politiet har sikra seg skildring av ein mann som skal ha vore valdeleg i Os sentrum natt til 1. januar. 2024.
Det opplyser politioverbetjent Anne Lyssand i ein e-post.
Artikkelen held fram under annonsen.
Hendinga skal ha funnen stad utanfor Catten i Os sentrum, og meldinga kom inn kring klokka kvart på to natt til 1. januar.
— Ein gut i starten av 20-åra var blitt utsett for vald. Han hadde blitt slått i ansiktet av ein for han ukjend person. Guten hadde eit svakt, raudt merke i venstre tinning. Nokre venar av fornærma hadde skilt fornærma og den ukjende personen, som hadde slått fornærma endå ein gong i ansiktet før han gjekk frå staden, skriv Lyssand.
Vidare opplyser ho at fornærma ikkje ønskjer å melda hendinga.
— Vi har sikra skildring av mannen og vi har bilete av fornærma, om han skulle ombestemma seg og melda forholdet ved eit seinare høve, skriv Lyssand.
Fekk melding om brann i bosspann
Nokre timar seinare fekk politiet melding om ein brann i eit bosspann utanfor Interoptik Bakketeig i Os sentrum.
— Det framstod som at det var fyrverkeri i bosspannet. Sløkking blei gjort på staden og brannvesenet blei varsla, skriv Lyssand.
