Unggutar køyrde ATV i hesteløypa
Politiet rykte ut etter å ha fått melding om mopedar og ATV-ar i hesteløypa i går kveld.
Rundt kl 21 i går kveld fekk politiet melding om ungdommen som brukte Hesteløypa til køyrebane.
- Dette dreier seg om ei opparbeidd turløype med bom, og det er utmark. Lov om motorferdsel i utmark ganske klar på at det er forbode, seier lensmann Oddbjørn Dyrdal.
Artikkelen held fram under annonsen.
Bot neste gong
Hesteløypa er også treningsløype for Os travklubb. Det er ikkje forbode for fotgjengarar, men ein må vera obs på at det kan koma dyr i stor fart. Men motorisert ferdsel er altså forbode.
- Ungdommane fekk ei munnleg åtvaring. Ved neste brot på lovverket blir det bot, og ei bot av denne typen er ganske høg, seier lensmannen.
