Utforkøyring ved Lepsøy
Ein personbil køyrde utfor vegen like før Lepsøybruka klokka 12 tysdag føremiddag.
Det var ein person, ein mann, i bilen. Både politi, brannvesen og ambulanse er no på staden.
– Me har ikkje fått opplysningar på skadeomfanget på han som køyrde utfor, men han blir sjekka i denne augneblink, seier vakthavande ved Os lensmannskontor, Morten Haugland.
Artikkelen held fram under annonsen.
Oljesøl og glatt
Vegen er nett no stengt, men bilberginga er på veg, og vegen vil truleg bli opna igjen, så snart brannvesenet har fått rydda litt opp.
– Det var ein del oljesøl på vegen. Det kan truleg vera årsaka til ulukka. Brannvesenet gjer no ein innsats for å få bort oljen, seier Haugland.
kenneth.svenningsen@osogfusa.no
