Var lei av bilar som låg tett opp i han. Skal ha køyrd seint og vist fingeren

Politiet stansa bil på Halhjemsvegen fredag.

Fredag ca kl 14.30 blei ein bil stansa og kontrollert på Halhjemsvegen. Bakgrunnen var ei melding om at bilen skal ha køyrd seint, vinglete og at førar viste fingeren til andre som køyrde forbi. Det opplyser politiet.

– Førar forklarte at han hadde sett seg lei på bilar som låg tett opp til han og blinka med lysa. Han lova å besinna seg og samarbeida andre trafikantar på ferda vidare, fortel vakthavande.