Sommar: Det er sommarstemning i dag, og det vil det bli i morgon også. Foto: Borghild Kvæven

Varmen er tilbake, men ikkje lenge

— Er me heldige kan det bli over 20 grader i morgon og laurdag, seier statsmeteorolog Frode Hassel.

Det skiftande vêret me har hatt denne veka tar seg ein liten pause dei neste dagane, og sommarvêret kjem tilbake.

Dagen i dag held fram med lett skya og fint vêr. Like eins ser det også ut til å bli i morgon.

— Det blir stort sett fint vêr med lett bris. I dag har me rundt 19 grader, og det vil nok bli minst like varmt i morgon, seier Hassel.

Laurdagen vil også starte med sol og fint vêr, rolege vindforhold. Temperaturen vil halde seg varm, kanskje bikke rett over 20 grader også. Mot ettermiddagen vil det skya litt til. Det fine sommarvêret kom diverre ikkje for å bli.

— Eit nytt nedbørsområde nærmar seg og vil slå til på søndag, kanskje laurdagskveld. Søndag blir ein våt dag med regn heile dagen, seier statsmeteorologen.

Temperaturen på søndag vil ikkje droppe veldig mykje, og halda seg på rundt 15—16 grader. Vidare ut i neste veke ser det også ut til å bli skiftande bygevêr.

— Ein får nyte dei fine dagane som kjem no, seier Hassel.