Herlege Henry og bukselause Mie stal rockeshowet
Henry rocka det han var mann for og vesle Mie dansa buksa av seg under luftgitar-meisterskapen på Nore Neset-dagane laurdag. Sjå bildeserie.
Sjølv om det var rocke-son Henry Grønvigh (son av Os rockeklubbs Kjetil Grønvigh), Johan Benjaminsen Breivik, Arild Øvrebotn og Andreas Leon Opedal som fekk toppremien frå Peppes pizza for sin luftige innsats på scena, var det vesle Mie som stal showet etterpå.
For etter å ha site pal ved scenekanten og sett Henry rocka vilt, fekk ho fot og måtte opp og rista laus.
Artikkelen held fram under annonsen.
Då passa det dårleg at den rosa buksa var så stiv og dum å dansa i. Men Mie visste råd og drog henne like så godt nedpå låra og vrikka vidare. Etter å ha herja fritt på scena ei lita stund, kom likevel mamma opp, drog buksa på plass og sende dottera attende i rampelyset.
Kanskje fleire vaksne artistar burde ha ei mor i publikum?
