Leitar etter slektningar i Os
Dianna og Lyle Knutson håpar å treffa slektningar når dei vitjar Os i juni.
Dianna og mannen hennar Lyle er busett i Iowa, USA. I år har paret femtiårs bryllaupsdag, og dreg til Noreg for å feira dagen i sommar.
Første veka i juni vitjar dei Os, og dei har då eit håp om å treffa slektningane til Lyle. Dianna fortel i ein epost til Os kyrekjlyd at dei leitar etter slekta til mannen sin bestefar, Annanias Knutson. Han er født i september 1870, og blei døypt i Os kyrkje 2. oktober same år. Han var yngst i ein søskenflokk på fem, og voks opp på Gjemdal. I 1888 emigrerte han til USA. Annanias var son av Knudt Eliasen og Sissa Catharina Engelsdatter.
Artikkelen held fram under annonsen.
Lyle og Dianna har drive med slektsforskning i mange år, men har ikkje klart å finna sine norske slektningar. Dei ynskjer veldig sterkt å koma i kontakt med familien sin. Dersom du har informasjon om slekta til Lyle Knutson, kan du gjerne ta kontakt med avisa, så formidlar vi kontakt med Dianna og Lyle.
post@osogfusa.no
