Stoppa trafikken for å feira 4. juli
Over 100 amerikanske bilar frå Os AmCar-klubb markert den amerikanske nasjonaldagen på Øyro i kveld.
– Eg er utkommandert av svigermor mi for å vera trafikkvakt, smiler Aleksander Hope Hoel. Svigermor er forresten Jenny «Nutta» Dale, årelang medlem av AmCar-klubben.
Iført gul refleksvest har svigersonen teke oppstilling på hjørnet ved Nordisk Rom på Osøyro. Han er klar til å dirigera trafikken når eit hundretals amerikanske bilar og motorsyklar om få straksar kjem køyrande for å toga gjennom paradegata i sentrum.
Artikkelen held fram under annonsen.
– Det er klart vi må markera 4. juli. Etter kortesjen blir det fest og burning-konkurranse på Er-An, smiler han.
– Så det vil lukta svidd gummi over heile Søfteland i kveld?
– Hehe, vi satsar på at vindretninga står vekk frå vegen slik at vi ikkje irriterer vegvesenet. Då kan det henda vi må gi oss, seier han.
anne-marie@osogfusa.no
