Flotte resultat i avslutningsrennet på Bygdastølen
HIL arrangerte palmelaurdag det siste rennet i Gla’lakscupen. Heile 110 utøvarar var i sving, og dei lokale skiskyttarane leverte strålande resultat.
Tidlegare i vinter har skiskyttarar i kretsen vore på renn i Myrkdalen, på Voss, i Kvam, i Vik i Sogn og i Odda. I år var det Hålandsdalen Idrettslag som fekk æra av å arrangera finalerennet.
Bygdastølen kunne by på fint vèr og gode forhold. Det var sprint som stod på programmet, og utøvarane melde om fine forhold på standplass og god glid i dei flotte løypene.
Artikkelen held fram under annonsen.
Heile 22 nybegynnarar gjekk flotte løp og i rekrutt-klassane vart det siger til fem HIL-utøvarar: Ingri Skjelbreid Gjelland, Kristoffer Haugse Rød, Guro Femsteinevik, Hedda Singelstad Kåsa og Eirik Hjartnes.
Desse HIL-juniorane/seniorane stod også øverst på pallen laurdag: Otto Femsteinevik, Katarina Aarseth, Håvard Heie Bjørndal, Håvard Hjartnes, Ragnhild Femsteinevik og Martin Femsteinevik.
Etter rennet var det tid for å gjera ekstra stas på samanlagtvinnarane denne sesongen. Desse fekk pengepremie og flotte skiskyttargensarar frå Dale of Norway.
Fire av samanlagtvinnarane er frå Hålandsdalen Idrettslag: Guro Femsteinevik og Kristoffer Haugse Rød i 14-årsklassen og Eirik Hjartnes og Hedda Singelstad Kåsa i 16-årsklassen.
Hedda vann i tillegg pris for beste skyttar gjennom Gla’laks-cup-sesongen.
jostein@osogfusa.no
