Hevda seg i Bergenslekene
Fleire utøvarar frå Os Turn var i helga i aksjon i Bergenslekene i Åsane. To gull og ein bronse vart fasiten.
Bergenslekene gjekk av stabelen på Leikvang stadion i Åsane i helga som var. Os Turn sine utøvarar gjorde det veldig bra.
- Me har all grunn til å vera nøgde med innsatsen til utøvarane våre. Fleire fekk ut sitt beste, og nokon hevda seg til og med i toppen i sin klasse, oppsummerer friidrettstrenar i Os Turn, Jan Borgen.
Artikkelen held fram under annonsen.
To til topps
Best gjekk det for Sofie Olsvold Hausberg og Sondre Herrevold som begge gjekk til topp i kvar si øving.
Med eit hopp på 4,70 meter vann Sofie lengdekonkurransen for jenter 16 år. Ho tok også ein fin femteplass på 100-meter.
Sondre kasta spydet sitt 46,80 meter. Med det gjekk han til topps i klassen for menn 18/19 år.
Ei anna som kunne seia seg nøgd med innsatsen var Maria Haustein. Ho tok bronse i lengde for jenter 15 år. Hennar lengste teljande svev var på 3,91 meter.
Haustein debuterte også på 200 m hekk. Her vart ho nummer fire.
Marie Mowinckel-Nilsen var uheldig med starten sin på 100 m. Likevel sprang ho inn til fjerdeplass i klassen for jenter 15 år.
Resultat
Jenter 15 år:
100 m: 4. Marie Mowinckel-Nilsen 13,97, 6. Marie Haustein 15,52.
Artikkelen held fram under annonsen.
200 m: 4. Maria Haustein 39,72.
Lengde: 3. Maria Haustein 3,91.
Jenter 16:
100 m: 5. Sofie Olsvold Hausberg 13,97.
Lengde: 1. Sofie Olsvold Hausberg 4,70.
Herrar 18/19 år:
Spyd: 1. Sondre Herrevold 46,80.
