Måtte sjå seg slått etter «straffe-bonanza»
Os G19 er ute av Norway Cup.
I kvartfinalen møtte dei gulkledde Mailantarki frå Nigeria.
Osingane låg kompakt i starten og satsa på overgangar.
Artikkelen held fram under annonsen.
Men allereie etter fem minutt fekk motstandarane straffe og skåra.
Etter dette hadde Os god kontroll defensivt, men sleit, ifølgje kampreferent, Tore Kleppe, med å koma til dei store sjansane.
0-1 stod seg til pause, etter ein omgang der Os verkeleg var med i kampen.
Starten av andre omgang var sjansefattig og det heldt fram som i første. Mailantarki hadde mykje ball, og Os låg kompakt utan å klara å skapa dei store sjansane på overgangar.
Etter 37 minutt fann likevel motstandaren ein veg gjennom forsvaret, og auka til 0-2.
Etter målet jaga Os ei redusering. Det enda med ny skåring i mot, i det 41. minutt, då dommaren blåste for ny straffe, denne gongen for hands. 0-3.
Kort tid etter låg ballen i nettet igjen, men denne gongen vart det vinka for offside.
No skjedde mykje på kort tid, og i det 45. minutt fekk Mailantarki endå ein straffe, til store protestar frå dei gulkledde. 0-4.
Artikkelen held fram under annonsen.
Med nok ei skåring mot slutten, enda det 0-5 i kvartfinalen.
