Midtstopparen held fram med å levera varene som spiss
To nye mål frå David Campher i ny Lysekloster-siger.
Fredag kveld reiste Lysekloster til Bømlo for å spela mot Bremnes. Bortelaget fekk ei pangopning med to skåringar signert David Campher før det var spelt ti minutt.
Campher skåra også to mål heime mot Sola førre helg. Det var midtstopparen sin første kamp frå start for munkane. Campher blei signert frå Strømsgodset for to år sidan. I ny rolle som spiss har han no skåra fire mål på to kampar. Før kampen mot Sola, stod han med fleire innhopp denne sesongen.
Artikkelen held fram under annonsen.
Lloyd Fagerlie auka til 3-0 for Lysekloster etter 13 minutt og det såg ut til å bli ei komfortabel siger for bortelaget.
Heimelaget reduserte før pause, og tidlegare Lysekloster-spelar Martin Pedersen sytte for nervepirrande sluttminutt med si redusering til 2-3 nokre minutt før slutt.
Lysekloster drog sigeren i land, og ligg på tredjeplass etter ti kampar spelt. Dei er tre poeng bak Brodd på andreplass og sju poeng bak Brann 2 som toppar tabellen.
