Olis vert flytta opp til U21-landslaget

Ole Martin Kolskogen vert flytta frå U19 til U21-landslaget før neste landslagsrunde. Osingen får med seg lagkompis i Brann, Markus Olsen Pettersen.

Det er altså to Brann-spelarar i Leif Gunnar Smerud sin tropp til Noreg sin bortekamp mot Portugal 9. oktober og til heimekampen mot Kviterussland fire dagar etter. Kolskogen vert flytta opp frå U19-landslaget for å erstatta Leo Østigard. Østigard er igjen flytta frå U21-landslaget og opp til A-landslaget.

— Me dreg for å kapra viktige poeng på denne samlinga, ikkje minst med tanke på neste kvalifisering og seeding, der kan kvart poeng og kvar skåring ha betydning, seier landslagsleiar Smerud.

— Det er mykje bra å byggja vidare på frå sist, og me ser fram mot å samlast og måla krefter mot god motstand igjen. Portugal er sterke i desse aktuelle årgangane, men me modige og spennande spelarar, som skal dra ned dit og jobba som ein samla gjeng for å ta poeng, seier landslagssjef Leif Gunnar Smerud til fotball.no.