Over 100 påmelde på 20 minutt
Pågangen til jentefotballdagen er svært stor også i år. Eirik André Hesthamar trur arrangementet vil bli fullteikna i løpet av kvelden.
I ettermiddag klokka 17 gjekk startskotet for påmelding til arrangementet som finn stad laurdag 22. april på Nore Neset Idrettsplass. Få minutt seinare kunne Eirik André Hesthamar konstatera at påmeldingane hadde runne inn.
– Heile 102 påmelde på 19 minutt! Det må eg seia meg svært godt nøgd med, seier Hesthammar som er primus motor bak arrangementet.
Artikkelen held fram under annonsen.
Han fortel at i fjor tok det berre tre timar før heile arrangementet var fullt. Han ser for seg at det same vil skje også i år, men kanskje endå fortare.
– Dette viser i alle fall at me gjer noko rett. Året før det att tok det att tok det 48 timar, så populariteten ser ut til å veksa, seier han.
Som i fjor er det også andre aktivitetar enn fotball med. Det blir leik, hoppeslott og jentediskotek om kvelden.
Klokka 1736 var talet påmelde 138. Det er altså framleis råd å få plass.
