Ny politistasjon vil kosta 75 mill. kroner
Prosjektsjef Halvor Hanevik leverte denne veka anbod på vegner av Os kommune om å byggja ny politistasjon på Moberg.
Under budsjettkonferansen på hotellet Scandic Flesland Airport viste Hanevik fram skissa avden nye politistasjonen på Moberg teikna av LINK Arkitektur.
– Grunnen til at eg måtte springa litt til og frå i dag var at eg måtte levera Os kommune sitt tilbod, sa Hanevik.
Artikkelen held fram under annonsen.
Kommunens plan for bygget er å byggja driftsbygning for OHARA i førsteetasje, og leiga ut andre og tredje etasje til politiet. Dersom det blir røyndom, vil bygget kosta 75 mill. kroner.
– Ikkje på budsjettet enno
Rådmann Christian Fotland understreka at dette ikkje var teke inn i investeringsprogrammet enno sidan det ikkje er avklart om politiet vil gå for kommunens framlegg.
– Dersom dette skal realiserast blir det laga ei eiga politisk sak på det. Like fullt har eg rekna med at låneporteføljen vår kan auka med 75 mill. kroner, sa Fotland.
ol@osogfusa.no
