Os kommune trekkjer tilbake oppseiinga av brannsjef Stein Gjøsund
Stein Gjøsund vil halda fram som brannsjef i Os til ny brannsjef for Bjørnafjorden kommune er tilsett.
– Stein Gjøsund har etter snart 15 år som brannsjef i Os bestemt seg for at han ikkje vil søkja stillinga som brannsjef i Bjørnafjorden kommune. Os kommune har trekt tilbake oppseiinga, og Gjøsund held fram som brannsjef i Os fram til brannsjefen for Bjørnafjorden kommune er tilsett.
Partane har utover dette ingen ytterlegare kommentarar, seier rådmann Christian Fotland.
Artikkelen held fram under annonsen.
Vidare fortel Fotland at brannsjefstillinga i Bjørnafjorden kommune vil bli lyst ut med det første.
– Vi har eit mål om å ha ny brannsjef på plass tidleg på hausten i år, seier han.