Påkøyrsel i gangfelt
Måndag ettermiddag vart ein rullestolbrukar påkøyrt i eit gangfelt på Osøyro.
Personen som sat i rullestolen vart ikkje skadd i uhellet, men kvinna som køyrte bilen vart fråteken sertifikatet.
– Årsaka til uhellet var at sjåføren var uoppmerksam, opplyser politioverbetjent ved Os lensmanskontor, Audun Hadler-Olsen.
Artikkelen held fram under annonsen.
Hendinga fann stad i gangfeltet mellom Esso-stasjonen og taxiholdeplassen på Osøyro litt før klokka tre måndag ettermiddag.
– Det er oppretta ei sak på forholdet. Sjåføren er meldt for brot på Vegtrafikklovens paragraf 3, fortel Hadler-Olsen.
Politioverbetjenten fortel elles at det har vore ei stille og roleg natt i Os. Det same gjeld Fusa, ifølgje politioverbetjent Ove Ivarhus.
Camilla Kvamme
camilla.kvamme@osogfusa.no
