annonse

Vart oppfordra til å stilla ut i Os

Satsar på kunsten
Satsar på kunsten: Tove Bergem jobba i Tryg forsikring inntil nyleg. No satsar ho på hobbyen med teikning/måling. (Foto: Privat)

Laurdag opnar Tove Bergem utstillinga «Det øyet ser» i Vognhallen i Os.

Kenneth Svenningsen

Bergensaren har stilt ut i Os tidlegare, men dette er hennar første seperate utstilling.

– Eg har mange vener og kjente frå Os og fleire av dei har oppfordra meg til å stilla ut arbeidet mitt i bygda deira. No har eg endeleg teke mot til meg og fått laga ein avtale med Vognhallen, fortel Bergem.

44-åringen har med seg totalt 30 bilete – alle laga med ei form for kritt-teikning.

– Eg teiknar med soft pastell-fargar, som er ei form for kritt. Arbeidsforma er karakteristisk for alle bileta eg lagar, fortel Tove.

Ho fekk tidleg interesse for det å laga bilete, og å «komponera» bileta fotografisk.

I dag er ho del av eit 18 personar stort kunstnarkollektiv i Fyllingsdalen.

Humor og ettertanke

Utstillinga i Vognhallen er ei sommarutstilling. I så måte er det naturleg å forventa at temaet «sommar» er å finna i bileta.

– Ja, sommar er nok ein raud tråd her, men det er også humor. Eg vert ofte inspirert av fotografi eller episodear eg opplever som underfundige.

– Kor lenge varer utstillinga di?

– Det blir frå no laurdag til neste – ei veke totalt.

– Blir det opning med brask og bram?

– Hehe, nei, du kan vel heller seia me opnar med sommarleg, mjuk stemning. Eg har med meg ein ung mann på cello frå Bergens Ungdoms Filharmoni. Han spelar Bach, så her blir det lett, klassisk sommarstemning, konstaterer Tove.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut