Vil heidra Gunnar Nagell-Dahl med årets store bjørnefjordenmåltid
«Alt han stod for, brant for og var glad i, skal halda fram», skriv Bjørnefjorden Matkultur.
Måndag 3. juni gjekk meisterkokk, eldsjel, matattaché og lokalmat-entusiast Gunnar Nagell Dahl bort.
Han var ein av dei som starta Bjørnefjorden Matkultur, og det var han som hadde ideen til Det Store Bjørnefjordmåltidet.
Artikkelen held fram under annonsen.
- Han var ein inspirasjon, ein ven og ein mentor for alle oss i foreininga, skriv foreininga i ei pressemelding.
Fredag 14. juni vart han bisett i Os kyrkje. Same dag skulle billettar til årets måltid blitt lagt ut. Dette er no utsett til 20. juni.
- Vi har hatt ei felles samling i helga for å minnast Gunnar og for å snakka om kva vi skal gjera i tida framover. Det vi har landa på i felleskap, og som vi er heilt sikre på at Gunnar ville ynskt, er at foreininga og måltidet skal gå som planlagt. Alt han stod for, brant for og var glad i ska, skal halda fram, heiter det i pressemeldinga.
- Det Store Bjørnefjordmåltidet 2019 blir difor, som dei to føregåande gongene, «ei feiring av lokal matkultur, i Gunnars ånd», avsluttar medlemene i Bjørnefjorden Matkultur.
anne-marie@osogfusa.no
