Redningsskøyta måtte sjølv reddast
Oppdatert: Ein fritidsbåt som fekk problem utanfor Vinnes, er no i land att. Redningsskøyta fekk sjølv motorstopp og kystvakten måtte steppa inn.
Oppdatert:
Rogaland Radio, som overvåker all maritim nødkommunikasjon langs kysten, fortel at båten utanfor Fusa som hadde vanskar, no har fått hjelp av nokre fusingar.
- Han hadde rett og slett får problem med kjøling av motoren, og trengde hjelp for å koma seg i land, fortel vakthavande ved Rogaland Radio.
Artikkelen held fram under annonsen.
Også Redningsskøyta har blitt redda av Kystvakten KV TOR og blir slept til land. Redningsskøyta fekk problem mellom Skorpo og Korsneset.
Første meldinga
Ifølgje Roger Hoel, leiar for Vinnes båtlag, som har høyrt på VHF-sambandet, pågår det ein redningsaksjon utanfor Vinnes.
- Det er ein båt som har tilkalla hjelp. Redningsskøyta var på veg, men fekk sjølv motorstopp ikkje så langt frå Strøno, fortel leiar for Vinnes båtlag.
Kystvakten KV Tor skal vera på veg, men Hoel melder om at det også kan vera aktuelt at ein med båt tilgjengeleg kjem til hjelp.
