Barnebokfestival vil spreia lesarglede
Oseana, Os folkebibliotek og Galleri Solbakkestova går saman om nynorsk barnebokfestival i Os.
Den nye barnebokfestivalen går av stabelen søndag 16. september i Os. Innhaldet vert fordelt mellom fire arenaer med gangavstand: Oseana, Vognhallen, Os folkebibliotek og Borgstova.
I fylgje prosjektleiar Vidar Bratlund-Mæland blir det både høgtlesing, bokvandring, forfattarmøte og dramatiseringar. Til og med lesing kring leirbålet står på programmet.
Artikkelen held fram under annonsen.
Målgruppa er born og unge opp til 25 år, og fleire ulike sjangrar vil vera representerte i eit program der både lokale og tilreisande forfattarar er med.
– Vi trur dette kan bli flotte arrangement som vil skapa gode stunder for born, unge, venegruper, familiar og utvida familiar med rom for generasjonsmøte, skriv Bratlund-Mæland i ein søknad om kommunale KUP-midlar.
Festivalen er inspirert av prosjektet «Rom for ord - litteraturhus i distrikta» som vart starta i Førde i 2015.
anne-marie@osogfusa.no
