Aksjelov og vedtekter gjeld også for styret i Os og Fusaposten AS

Styret i Os og Fusaposten AS er sjølvsagt bunde av vedtektene i selskapet. Dei kan ikkje gjera vedtak som er i strid med desse, sjølv om det står eit styrefleirtal bak.

I § 6 i vedtektene heiter det: Erverv av aksjar i selskapet ved overdraging skal vera på vilkår av samtykke frå selskapets styre, og slikt samtykke skal nektast dersom ein einskild aksjonær ved overdraginga vil oppnå ein eigardel på 20 % eller meir av selskapets totale aksjekapital.

1. mars kjøpte Odd Øie 13 aksjar frå familien Lunde for kr 11.568,48 per stk.

Frå før var han eigar av 124 aksjar i Os og Fusaposten AS, 63 aksjar privat og 61 aksjar gjennom sitt heileigde aksjeselskap Amble Invest-ment AS. Dette utgjer over 20 %, som altså er det maksimale ein kan eiga i Os og Fusaposten AS. Alt då Øie passerte 123 aksjar (av dei totalt 616 i selskapet) skulle styret ha sett foten ned.

Med dei 13 aksjane som Odd Øie kjøpte 1. mars, var han då oppe i 138 aksjar. Dette utgjer 22,4 % av alle aksjane i selskapet.

Samtykke skal nektast dersom ein einskild aksjonær oppnår ein eigardel på 20 % eller meir.

Samtykke skal nektast

Styret skulle altså ikkje ha gjeve samtykke til kjøp av dei 14 aksjane Øie har erverva i år. For vedtektene seier at samtykke skal nektast dersom ein einskild aksjonær oppnår ein eigardel på 20% eller meir. Det står ikkje at samtykke kan eller bør nektast.

Her har altså styret forsømt seg, og kjøpet må gjerast om. Men i følgje aksjeloven § 4-16 heiter det: (4) Er erververen ikke underrettet om at samtykke er nektet innen to måneder etter at melding om ervervet kom inn til selskapet, anses samtykke å være gitt.

Det kinkige i denne saka er at Odd Øie sjølv sit i styret som har godkjent kjøpet, og som den profesjonelle investoren han er burde han vera den første til å gjera resten av styret merksam på at kjøpet var i strid med aksjeloven og vedtektene.

Kva gjer ein så?

I følgje aksjeloven § 4.17-2 må aksjane no avhendast. Og i følgje § 4-17-3 1. ledd må selskapet utpeika “en annen som er villig til å overta aksjene på samme vilkår som erververen”. Med andre ord må dei andre aksjonærane få tilbod om å kjøpa dei for same summen som Odd Øie har betalt – kr 11.568,48 per aksje.

Men før det må aksjonærane få ei forklaring på korleis ein kunne koma opp i dette uføret. Korleis var sakshandsaminga? Kven førebudde saka for styret? Vart saka i det heile diskutert i styret?

Christian Fr. Stabell