Når ein set seg på den høge hest!
Meiner verkeleg Terje Søviknes at ein ikkje kan skifta meining i ei sak?
Ordførar Søviknes går ut i avisa og nærast gjer narr av Atle Kvåle som har snudd i synet på eigedomsskatt. Meiner verkeleg Søviknes at ein ikkje kan skifta meining i ei sak? Og, synest Søviknes, som er ordførar, det er greitt å latterleggjera ein tidlegare ordførar?
Det er faktisk inga skam å snu. Heller ikkje for Søviknes og Co. No veit vi at Frp prinsipielt er mot skatt og avgifter. Det kjem til å merkast i kommunen sitt tenestetilbod. Eg også veit, at vi ikkje kan redda kommuneøkonomien med eigedomsskatt, men det ville blitt eit godt tilskot i ein slunken kasse.
Artikkelen held fram under annonsen.
Sjølv var eg ein av dei som på årsmøte i Arbeiderpartiet var imot at eigedomsskatt skulle vera med i partiprogrammet.
I dag er det nok fleire enn Atle Kvåle i Arbeidarpartiet som ser at eigedomsskatt kunne ha vore eit godt bidrag til kommunekassen.
Åse Vaksinen Sælensminde