Takk til ordføraren for gode svar

Som det sikkert skein gjennom i lesarbrevet, var eg frustrert etter folkemøtet om eldreomsorga.

Eg ønskte meir informasjon, og det fekk eg.

Det er bra at vi har ein ordførar som tek seg tid til å svara på spørsmål frå mannen i gata (eller i vegen). 

Eg reknar med at det er fleire som sette pris på informasjonen.  Eg gler meg òg over å lesa at kommunedirektøren føreslår å styrka pleie- og omsorgstenestene med 40 millionar kroner i budsjettet for 2027. 

Siste ord er sjølvsagt ikkje sagt om eldreomsorga.

Vi som er glade i kommunen vår, og har lyst å bli gamle her, må gjera vår del av jobben med å planlegga for alderdomen.

Men samtidig må vi sova med eitt auga ope, og passa på at kommunen leverer det dei lovar.

Magne Brekke

Litt eldre og litt klokare