12 arbeidstakarar kan bli teken ut i streik. Meklingsfristen går ut ved midnatt i morgon
Fagforbundet har varsla mogleg streik for tolv medlemmer i Bjørnafjorden kommune frå torsdag 27. mai.
Lønnsoppgjeret i kommunesektoren er til mekling etter brot i forhandlingane fredag 30. april. Meklingsfristen er 26.mai kl. 24.00.
I Bjørnafjorden kommune har Fagforbundet levert liste med tolv namn på arbeidstakarar som eventuelt blir tatt ut i streik frå torsdag 27. mai.
Artikkelen held fram under annonsen.
– Silk vi vurderer det vil streikeuttaket, i denne fasen, ikkje få store konsekvensar for den kommunale drifta. På arbeidsplassane arbeidstakarar vert teken ut i streik, vil det naturleg nok merkast. Her vil leiarane informera om streiken og følgja opp arbeidstakarar og brukarar, seier kommunedirektør Christian Fredrik Fotland i ei nyhendemelding på Bjørnafjorden kommune si nettside.
Kommunedirektøren vurderer konsekvensane av streikeuttaket, og vil ifølgje meldinga søkja om dispensasjon, i tråd med regelverket, dersom det er fare for liv og helse eller forsvarleg drift.
Det er ingen av dei andre arbeidstakarorganisasjonane som er omfatta av oppgjeret, og som har varsla at dei vil ta ut medlemmer tilsett i Bjørnafjorden kommune, går det fram av nyhendemeldinga.
