19-åringar mistenkte for ruskøyring
To mogleg rusa 19-åringar vart stoppa i Mobergsbakken første påskedags morgon.
Politiet stoppa ein bil i Mobergsbakken klokka 08.16 søndag morgon.
- I bilen var to 19-åringar som begge blei tatt med til legevakta for utvida prøve. Det er mistanke om ruskøyring på begge to, fortel Frode Kolltveit, operasjonsleiar ved politiet i Hordaland.
Artikkelen held fram under annonsen.
Elles har politiet i natt teke hand om nokre festrelaterte hendingar.
- Ein person er meldt for drikking på offentleg stad. Dette skal ha skjedd i Os sentrum, rundt midnatt. Seinare blei ein mann tatt for urinering på offentleg stad, i Torggata klokka 3.30, fortel Kolltveit.
Vist bort etter snoking
Ein bebuar i Granlia tok ein person på fersken i det han snoka i garasjen hans fredag kveld. Han kontakta straks politiet, som har notert seg at dei mottok meldinga om episoden klokka 23.30.
- Meldar var ute og leita då han ringte. Han vart sett over til patrulja som kom til staden kort tid etter, fortel operasjonsleiar Kolltveit.
Då politiet kom fekk dei kontroll på ein mann midt i 50-åra, som var mistenkt for å ha stå bak snokinga.
- Ingen ting var stole frå garasjen, men meldar såg mistenkte var der inne og snoka.
Artikkelen held fram under annonsen.
Mannen som blei tatt på fersken fekk pålegg om å fjerna seg frå området.
Politiet gjennomførte ein trafikkontroll i Sperrevikvegen i 13.-tida fredag. 40 bilar vart kontrollerte i vårsola, og det vart ingen reaksjonar.
