Aldri før har så mange valt yrkesfag

Søknadsfristen til vidaregåande opplæring gjekk ut 3. mars. Aldri før har så mange valt yrkesfag som sitt primærønske på vg1. Det opplyser fylkeskommunen i ei sak på sine heimesider.

Her går det fram at 60,3 prosent av ungdomane som søkte skuleplass på vg1 har i år yrkesfagleg utdanningsprogram som sitt primærønske. Dette er ein auke frå i fjor då talet var 58,4. I inntaksområdet stor-Bergen har 54 prosent av ungdomane yrkesfag som sitt primærønske. 

- Det yrkesfaglege utdanningsprogrammet som opplever prosentvis størst auke i primærsøkarar til vg1 er frisør, blomster, interiør og eksponeringsdesign. Helse- og oppvekstfag og teknologi og industrifag har størst auke i tal på søkjarar. Utdanningsprogrammet elektro og datateknologi har i år ei nedgang tal på søkjarar, opplyser fylkeskommunen. 

Av dei studieførebuande utdanningsprogramma det er størst nedgang av primærsøkjarar til er studiespesialiserande og idrettsfag. Det studieførebuande utdanningsprogrammet som har størst auke i søkjarar er musikk, dans og drama.

Det er i alt 2.913 som no søkjer læreplass i Vestland fylke. 2.419 av desse søkarane har ungdomsrett, ifølgje tala frå fylket. 

Dette er ein auke frå i fjor, då tala for dei med ungdomsrett var 2.394 og totalt søkarar til læreplass var 2.869. 

Plan for inntak

• 8. juli: første inntak.
• 15. juli: svarfrist første inntak.
• 23. juli: andre inntak.
• 30. juli: svarfrist andre inntak.
• 11. august: tredje inntak.