– Alle som er fødde i 1975 eller før vil få tilbod neste veke

Neste veke får Bjørnafjorden kommune til saman over 1.300 vaksinedosar av Pfizer-vaksinen.

Om lag 1.100 friske personar over 45 år (prioriteringsgruppe 9) vil få tilbod om første vaksinedose.

– Alle som er fødde i 1975 eller før vil få tilbod i veke 26, opplyser kommuneoverlege Klaus Melf.

Vaksinasjonsdag er onsdag 30. juni.

Tilbod om vaksine blir sendt ut på SMS fortløpande og fram til rett før vaksinasjonsstart 30. juni.

– Ver venleg å ikkje ringja vaksinetelefonen før du har fått SMS. Vi har ikkje gløymt deg - du vil få tilbod når det er din tur, er oppmodinga på kommunen sine heimesider.

I prioriteringsgruppe 9 er personar mellom 45 og 54 år utan underliggande sjukdom/tilstand. Dei eldste får tilbod først.